તા.૨૯ એપ્રિલના બહેનો તથા ૩૦ એપ્રિલના ભાઈઓ માટે જિલ્લાકક્ષા બેટરી ટેસ્ટનું આયોજન
સ્પોર્ટ્સ ઓથોરીટી ઓફ ગુજરાત દ્વારા સંચાલિત જિલ્લાકક્ષા સ્પોર્ટ્સ સ્કૂલ યોજના અંતર્ગત ટેલેન્ટ આઈડેંટિફિકેશન દ્વારા પ્રતીભાશાળી (યંગ ટેલેન્ટ) ખેલાડીઓની પસંદગી પ્રકિયાની કામગીરી ચાલી રહી છે જેના ભાગરૂપે આગામી તા.૨૯-૦૪-૨૦૨૨ ના રોજ બહેનો તથા તા.૩૦-૦૪-૨૦૨૨ ના રોજ ભાઈઓ માટે જિલ્લાકક્ષા બેટરી ટેસ્ટનું આયોજન ન્યુ એરા ગ્લોબલ સ્કૂલ રવાપર-ઘુનડા રોડ મોરબી ખાતે સવારે ૭.૦૦ કલાકે કરવામાં આવેલ છે
ખેલ મહાકુંભ ૨૦૨૨ માં તાલુકા કક્ષા અંડર-૧૧ની ૫૦ મી દોડ તથા સ્ટેડિંગ બોર્ડ જમ્પ ઇવેન્ટ વિજેતા ક્રમ ૧ થી ૮ માં પસંદગી પામેલ કે જેઓ તા.૧-૧-૨૦૧૧ પછી જન્મેલા ભાઈઓ તથા બહેનો આ બેટરી ટેસ્ટમાં ભાગ લઈ શકશે બેટરી ટેસ્ટ માં ૩૦ મીટર (ફ્લાઇંગ સ્ટાર્ટ), સ્ટેન્ડિંગ વર્ટીકલ જમ્પ, સ્ટેન્ડિંગ બ્રોડ જમ્પ, ૮૦૦ મીટર દોડ, ૬*૧૦ મીટર શટલ રન, ફોર્વડ, બેન્ડ એન્ડ રીચ અને મેડીસીન બૉલ થ્રો (૧ ક્રી.ગ્રા.) નો સમાવેશ કરવામાં આવ્યો છે. વધુ માહિતી માટે સિનિયર કોચશ્રી રવિકુમાર ચૌહાણ, જિલ્લા રમત પ્રશિક્ષણ કેન્દ્ર,મોરબી કચેરી અથવા કન્વીનર શ્રી વિજયભાઈ ચૌધરી ૯૬૩૮૮૧૭૭૩૮નો સંપર્ક કરી શકાશે તેમ મોરબી જિલ્લા રમત પ્રશિક્ષણ કેન્દ્રના સિનિયર કોચની યાદીમાં જણાવેલ છે.
