મોરબી જિલ્લા કક્ષાનો કાર્યક્રમ કચ્છ-મોરબી સાંસદ વિનોદભાઇ ચાવડાના અધ્યક્ષસ્થાને શકત શનાળા ખાતે યોજાશે
ભારતને મળેલ સ્વતંત્રતાની યાદમાં રાષ્ટ્ર આઝાદી કા અમૃત મહોત્સવની ઉજવણી કરી રહ્યું છે. આ મહત્વપૂર્ણ પ્રસંગના ભાગ રૂપે, ૩૧મી મે ના રોજ વડાપ્રધાન ભારત સરકારના નવ મંત્રાલયો/વિભાગોમાં ફેલાયેલી લગભગ સોળ યોજનાઓ/પ્રોગ્રામ્સના લાભાર્થીઓ સાથે વાર્તાલાપ કરી વર્ચ્યુઅલ સંવાદ કાર્યક્રમ યોજાશે .વિવિધ યોજનાઓના કરોડો લાભાર્થીઓ સાથે માનનીય વડાપ્રધાન વાર્તાલાપ કરશે.
મોરબી જિલ્લો પણ આ કાર્યક્રમનો ભાગ બનવા જઇ રહ્યો છે. પટેલ સમાજવાડી, રાજપર રોડ શકત શનાળા ખાતે યોજાનાર કાર્યક્રમ માટે તમામ જરૂરી વ્યવસ્થાઓ કરવામાં આવી છે. સવારે ૯ વાગ્યે કચ્છ–મોરબી સાંસદશ્રી વિનોદભાઇ ચાવડાની અધ્યક્ષતામાં આ કાર્યક્રમનું આયોજન કરવામાં આવશે. જેમાં અન્ય સ્થાનિક મહાનુભાવો પણ ઉપસ્થિત રહેશે. સવારે ૧૧ : ૦૦ વાગ્યે જિલ્લા કક્ષાના કાર્યક્રમને રાષ્ટ્રીય કાર્યક્રમ સાથે જોડવામાં આવશે. જ્યારે વડાપ્રધાન શિમલાથી લાઈવ હશે અને સમગ્ર દેશના લાભાર્થીઓ સાથે વાતચીત કરશે.
પ્રધાનમંત્રી આવાસ યોજના (ગ્રામીણ અને શહેરી બંને), પ્રધાનમંત્રી કિસાન સન્માન નિધિ, પ્રધાનમંત્રી ઉજ્જવલા યોજના, પોષણ અભિયાન, પ્રધાનમંત્રી માતૃ વંદના યોજના, સ્વચ્છ ભારત મિશન (ગ્રામીણ અને શહેરી બંને), જલ જીવન મિશન અને AMRUT, પ્રધાનમંત્રી સ્વનિધિ યોજના, વન નેશન વન રાશન કાર્ડ, પ્રધાનમંત્રી ગરીબ કલ્યાણ અન્ન યોજના, આયુષ્માન ભારત પીએમ જન આરોગ્ય યોજના, આયુષ્માન ભારત હેલ્થ એન્ડ વેલનેસ સેન્ટર, પ્રધાનમંત્રી મુદ્રા યોજના જેવી તમામ યોજનાઓ વસ્તીના સૌથી ગરીબ વર્ગને સંબોધિત કરે છે; તેથી, આ કાર્યક્રમને યોગ્ય રીતે “ગરીબ કલ્યાણ સંમેલન” નામ આપવામાં આવ્યું છે.
આ કાર્યક્રમનો મુખ્ય ઉદ્દેશ્ય અનેક યોજનાઓ દ્વારા નાગરિકોના જીવનમાં સરળતા લાવવા સાથે સંકલન અને સંતૃપ્તિની શક્યતાઓ શોધવાનો પણ છે.
આ સંમેલન એ તમામ જિલ્લાઓમાં ફેલાયેલા અત્યાર સુધીના સૌથી મોટા સિંગલ-ઇવેન્ટ રાષ્ટ્રવ્યાપી કાર્યક્રમમાંનો એક છે, જેમાં વડાપ્રધાનશ્રી લાભાર્થીઓ સાથે આવાસ, પીવાના પાણીની ઉપલબ્ધતા, ખોરાક, આરોગ્ય અને પોષણ, આજીવિકા વગેરેને આવરી લેતી વ્યાપક યોજનાઓ/કાર્યક્રમો વિશે વાર્તાલાપ કરશે.
૩૧મી મે ના રોજ શિમલા ખાતે રાષ્ટ્રીય સ્તરનું સંમેલન યોજવામાં આવી રહ્યું છે જેમાં વડાપ્રધાનશ્રી નરેન્દ્રભાઇ મોદી લાભાર્થીઓ સાથે સીધો સંવાદ કરશે. વડાપ્રધાન કિસાન સન્માન નિધિનો ૧૧મો હપ્તો ખેડુતોના ખાતામાં જમા કરાવશે તેમજ વીડિયો કોન્ફરન્સિંગ દ્વારા દેશભરમાં ફેલાયેલા કરોડો લાભાર્થીઓ સાથે પણ વાતચીત કરશે.
રાષ્ટ્રીય સંમેલનનું દૂરદર્શન દ્વારા તેની રાષ્ટ્રીય અને પ્રાદેશિક ચેનલો પર જીવંત પ્રસારણ કરવામાં આવશે. રાષ્ટ્રીય કાર્યક્રમને MyGov દ્વારા વેબકાસ્ટ કરવાની પણ જોગવાઈઓ કરવામાં આવી છે જેના માટે લોકોએ પોતાની નોંધણી કરાવવી જરૂરી છે તેમજ અન્ય સોશિયલ મીડિયા ચેનલો જેમ કે યુટ્યુબ, ફેસબુક, ટ્વિટર, ઇન્સ્ટાગ્રામ વગેરે દ્વારા પણ આ રાષ્ટ્ર વ્યાપી કાર્યક્રમને જોઈ શકાય છે.
એવી અપેક્ષા રાખવામાં આવે છે કે આ વાર્તાલાપ માત્ર આ યોજનાઓના લોકો-કેન્દ્રિત અભિગમને પ્રકાશિત કરશે જે ન ફકત નાગરિકોના જીવનની સરળતા તરફ દોરી જશે પરંતુ સરકારને લોકોની આકાંક્ષાઓ પર પણ પ્રબુદ્ધ કરશે અને સુનિશ્ચિત કરશે કે રાષ્ટ્રની પ્રગતિની કૂચમાં કોઈ પણ પાછળ ન રહે.
