મોરબી જિલ્લાને ઉત્તરોત્તર સફળતા આપતી મોડેલ સ્કૂલ મોટીબરાર રાજ્ય સરકારના યુવા, રમતગમત અને સાંસ્કૃતિક પ્રવૃત્તિ વિભાગ દ્વારા આયોજિત રાજ્ય કક્ષાના કલા મહાકુંભ 2022-23 તારીખ 06-03-2023 ને સોમવારના રોજ કે. કે. પારેખ & મહેતા આર. પી. વિદ્યાલય-અમરેલી ખાતે વિવિધ સ્પર્ધાઓનું આયોજન થયેલ હતું.
જેમાંથી 16 થી 20ની વયજૂથમાં નિબંધલેખન સ્પર્ધામાં ભાગ લેનાર મોડેલ સ્કૂલ મોટીબરારની વિદ્યાર્થિની અવનીબેન અજયભાઈ ડાંગર એ રાજ્ય કક્ષાએ ભાગ લઈ દ્વિતીય ક્રમાંકે વિજેતા થઈ મોડેલ સ્કૂલ મોટીબરાર અને મોરબી જિલ્લાનું અને પોતાના પરિવારનું ઝળહળતું ગૌરવ બની નામ રોશન કરેલ છે.
આ યશસ્વી સફળતા બદલ શાળાના આચાર્ય બી.એન. વીડજા અને શાળા પરિવાર સહર્ષ ખૂબ ખૂબ અભિનંદન પાઠવે છે. આવી જ રીતે જીવનમાં ઉત્તરોત્તર પ્રગતિ કરી ઉજ્જ્વળ સફળતા પ્રાપ્ત કરે તેવી ખૂબ ખૂબ શુભેચ્છાઓ પાઠવે છે.