મોરબી જીલ્લા પોલીસ વડા રાહુલ ત્રિપાઠીએ પ્રોહીબીશન તથા જુગારની ગેર કાયદેસર પ્રવૃતિઓ કરતા ઇસમો સામે પાસા દરખાસ્ત તૈયાર કરી મોરબી જીલ્લા મેજિસ્ટ્રેટ તરફ મોકલવા સુચના કરેલ હતી. જેથી એમ.પી.પંડયા પોલીસ ઇન્સ્પેકટર એલ.સી.બી.મોરબી તથા એન.એ.વસાવા પોલીસ ઇન્સ્પેકટર મોરબી સીટી બી ડીવી પોલીસ સ્ટેશનનાઓએ પ્રોહીબીશનના ગુન્હાઓમાં સંડોવાયેલ બે ઇસમો તથા એક મહીલા વિરુધ્ધ પાસા દરખાસ્ત તૈયાર કરી જીલ્લા મેજિસ્ટ્રેટ મોરબીનાઓ તરફ મોકલતા કે.બી.ઝવેરી જિલ્લા મેજીસ્ટ્રેટ મોરબીનાઓ તરફથી પ્રોહીબીશનની ગે.કા.પ્રવૃતીઓ સાથે સંકળાયેલ બે ઇસમો તથા એક મહીલાના પાસા વોરંટ ઇશ્યુ કરેલ હતા.
જે સામાવાળાઓને સત્વરે અટકાયત કરવા એમ.પી.પંડયા પોલીસ ઇન્સ્પેકટર એલ.સી.બી. મોરબીના માર્ગદર્શન હેઠળ એન.એ.વસાવા પોલીસ ઇન્સ્પેકટર મોરબી સીટી બી ડીવી પોસ્ટે તથા બી.ડી.ભટ્ટ, એસ.આઈ.પટેલ પો.સબ.ઇન્સ. એલ.સી.બી. મોરબીનાઓ સાથે અલગ-અલગ પોલીસ માણસોની ટીમો બનાવી સાગરભાઇ કાંતિભાઇ પલણ (રહે.મોરબી જલારામ પાર્ક, બ્લોક ન.૧૫ નવલખીરોડ, સેન્ટમેરી સ્કુલની પાછળ), મહેબુબભાઇ ઉર્ફે મેબલો સુલેમાનભાઇ સુમરા (રહે.મોરબી વીસીપરા રણછોડનગર જલારામ પાર્ક પાછળ તા.જી.મોરબી), સોનલબેન ઉર્ફે સોનકી વા/ઓફ અબ્બાસભાઇ કટીયા (રહે.માળીયા વનાળીયા સોસાયટી મોરબી-૨)ને આજે તા.૦૪/૦૪/૨૦૨૫ ના રોજ પાસા એકટ તળે ડીટેઇન કરી અલગ-અલગ જેલ ખાતે મોકલી આપેલ છે.
બે ઇસમમાના સાગરભાઇ કાંતિભાઇ પલણને જૂનાગઢ જેલ ખાતે, મહેબુબભાઇ ઉર્ફે મેબલો સુલેમાનભાઇ સુમરાને વડોદરા મધ્યસ્થ જેલ ખાતે તથા મહિલા સોનલબેન ઉર્ફે સોનકી વા/ઓફ અબ્બાસભાઇ કટીયાને અમદાવાદ મધ્યસ્થ જેલ ખાતે મોકલી દેવામાં આવ્યા છે. આ કામગીરીમાં એમ.પી.પંડયા પોલીસ ઇન્સ્પેકટર એલ.સી.બી. મોરબી, એન.એ.વસાવા પોલીસ ઇન્સ્પેકટર મોરબી સીટી બી.ડીવી. પોસ્ટે તથા PSI બી.ડી.ભટ્ટ એસ.આઇ.પટેલ તથા એલ.સી.બી. મોરબીના સ્ટાફ જોડાયેલ હતો.
