મોરબીમાં સન ૧૯૯૫-૧૯૯૬ માં મોરબી સીટી પોલીસ સ્ટેશન વિસ્તારમાં ખોટા સહી-સીકકાઓ, બીલ બુક છાપીને ગોપાલ બ્રધર્સ નામની બોગસ પેઢી ઉભી કરી તેલના ડબ્બાની વંહેચણી કરવાના ગુનામાં ફરીયાદ નોંધાતા પોલીસ ધ્વારા પાંચ આરોપીઓ વિરુધ્ધ IPC ની કલમ ૪૬૮,૪૭૧ તથા આવશ્યક ચીજ વસ્તુ ધારા ૧૯૫૫ ની કલમ કલમ – ૩,૭ હેઠળનો ગુનો નોંધી નામદાર ચીફ કોર્ટમાં ચાર્જશીટ કરવામાં આવેલ. સદરહું કેસ મોરબી ચીફ કોર્ટમાં ચાલી જતાં આ ગુનામાં પાંચેય આરોપીઓને નામદાર ચીફ કોર્ટે નિદોર્ષ છોડવાનો હુકમ કરેલ છે.
જેમાં આરોપી નં.(૧) વીનુભાઈ લાખાભાઈ મીયાત્રા અને આરોપી નં.(૨) રમેશભાઈ મેરૂભાઈ કાકરેશા તરફે મોરબીના યુવા વકીલ મીતરાજસિંહ કિશનસિંહ જાડેજા રોકાયેલ હતાં. તેમજ આરોપી નં.(૩) પીયુષ મોહનભાઈ સરખેડી, આરોપી નં.(૪) સવજીભાઈ રામજીભાઈ ચૌહાણ અને આરોપી નં.(૫) કાંતીલાલ લખમણભાઈ ભોરણીયા વતી વકીલ આશિષ દયાલજીભાઈ ચાવડા રોકાયેલ હતા. સદરહું કેસમાં આરોપી નં.૧ અને ૨ વતી વકીલ મીતરાજસિંહ કે.જાડેજા અને આરોપી નં.૩ થી ૫ વતી વકીલ આશિષ ડી.ચાવડા દ્વારા ધારદાર દલીલો કરવામાં આવી હતી તથા નામદાર હાઈકોર્ટ તથા નામદાર સુપ્રીમ કોર્ટ ના જજમેન્ટો રજૂ કરી પોતાનો બચાવ યોગ્ય રીતે સાબીત કરતાં મોરબીની ચીફ કોર્ટ દ્રારા તમામ આરોપીઓને નિદોર્ષ છોડવાનો હુકમ કરેલ છે.
આ કામમાં આરોપીઓ તરફે મોરબીના યુવા વકીલ મીતરાજસિંહ કે.જાડેજા, આશિષ ડી.ચાવડા, અલ્પેશ પી.હાલપરા, સુરેશ આર.વાધાણી અને બી.સી.વૈષ્નાણી રોકાયેલ હતાં.
