મોરબી કલેક્ટરશ્રી સ્વપ્નિલ ખરેની અધ્યક્ષતામાં સરદાર@૧૫૦ અન્વયે જિલ્લામાં યુનિટી માર્ચ સહિતના વિવિધ કાર્યક્રમોના સુચારું આયોજન બાબતે બેઠક યોજાઈ
મોરબી કલેક્ટર સ્વપ્નિલ ખરેની અધ્યક્ષતામાં સરદાર વલ્લભભાઈની ૧૫૦ મી જન્મ જયંતીના અવસર પર યુનિટ માર્ચના ભાગરૂપે મોરબી જિલ્લામાં પદયાત્રા તેમજ આ ઉજવણીના ભાગરૂપે વિવિધ કાર્યક્રમના સોચારૂ આયોજન બાબતે બેઠક યોજાઈ હતી.
કલેક્ટરએ સંબંધિત વિભાગોને યુનિટી માર્ચ (પદયાત્રા)નું સુચારૂં આયોજન કરવા, સરદાર@૧૫૦ થીમ પર આધારિત વિવિધ સ્પર્ધાઓનું આયોજન કરવા, આ આયોજનમાં વિવિધ સંગઠનો, સંસ્થાઓ, એસોસિએશન્સ, એનજીઓ અને નાગરિકોને સહભાગી બનાવવા સહિત વિવિધ સુચના આપી હતી.
આ બેઠકમાં નિવાસી અધિક કલેકટર ઉમંગ પટેલ, નાયબ પોલીસ અધિક્ષક વિરલ દલવાડી, મોરબી પ્રાંત અધિકારી પ્રવીણસિંહ જેતાવત, વાંકાનેર પ્રાંત અધિકારી વિપુલ સાકરીયા, મોરબી મહાનગરપાલિકાના ડેપ્યુટી કમિશ્નર કુલદીપસિંહ વાળા, નાયબ જિલ્લા વિકાસ અધિકારી શૈલેષચંદ્ર ભટ્ટ તથા સંબંધિત વિભાગના અધિકારીઓ ઉપસ્થિત રહ્યા હતા.
