મોરબી: હાલના આ દિવસોમાં ગરમી તેનો મિજાજ બતાવી રહી છે અને બપોર ના સમયે અંગ દઝાડતા તાપ માં રાહદારીઓ માટે અમૃતમય પાણી મળી રહે તેવા હેતુ અને આશ્રય થી અજરામર એક્ટિવ અસોર્ટ ગ્રુપ વાંકાનેર AAA WANKANER દ્વારા આજરોજ નિર્ધારિત કરેલ તારીખ એટલે કે 23/03/2025 ને રવિવાર ના રોજ અમિત ટ્રેડર્સ ખાતે પરમ પૂજ્ય કોમલબાઈ મહાસતીજીના માંગલિકના સુવચન સાંભળીને શરૂ કરવામાં આવેલ જે વાંકાનેર શહેરના આંગણે અલગ અલગ 5 જગ્યાઓ એ પાણીની પરબ શરૂ થઈ ચૂકી છે.
આ સ્થળો આ મુજબ અમિત ટ્રેડર્સ મેઇન બજાર રોડ, ઠક્કર પ્રોવિઝન સ્ટોર તાલુકા શાળા નં ની સામે, ભાવિકા શોપ રસાલા રોડ પર, અજય ટ્રેડર્સ દાણાપીઠ ચોક પાસે, આધ્યશક્તિ ટેલિકોમ જિનપરા મેઈન રોડ આપેલ સ્થળોએ ખૂબ વ્યસ્ત રહેતા રાહદારીઓને તરસ છીપાવી શકે તે હેતુ થી આ વખતે પણ 3.5 થી 4 મહિના આ પરબ ચાલુ રાખવાનો હેતુ રહેલ છે તો વાંકાનેર તાલુકાની તમામ હોંશીલી જનતાએ આ પાણીની પરબનો અચૂક લાભ લેવા ખાસ અનુરોધ છે. સાથે સાથે AAA ગ્રુપ આ મહાન સેવાકાર્ય માં આર્થિક રીતે મહત્વનું યોગદાન આપેલ તમામ પ્રજાજનોનો પણ હૃદયપૂર્વક આભાર વ્યક્ત કર્યો હતો.
