Henley Passport Index 2026 : ભારતીય પાસપોર્ટ ધારકો માટે એક ગર્વ લેવા જેવા સમાચાર સામે આવ્યા છે. વર્ષ 2026 ના ‘હેનલી પાસપોર્ટ ઇન્ડેક્સ’ (Henley Passport Index) માં ભારતીય પાસપોર્ટના પ્રભુત્વમાં મોટો વધારો થયો છે. ભારત આ રેન્કિંગમાં 10 સ્થાનનો કૂદકો લગાવીને મજબૂત સ્થિતિએ પહોંચ્યું છે, જેનો સીધો અર્થ એ છે કે ભારતીયો માટે હવે વિદેશ પ્રવાસ વધુ સરળ બન્યો છે.
ભારતની મોટી છલાંગ
ભારત હવે વિશ્વના સૌથી શક્તિશાળી પાસપોર્ટની યાદીમાં 75મા સ્થાને પહોંચી ગયું છે. ગયા વર્ષે ભારતીય પાસપોર્ટ આ યાદીમાં 85મા ક્રમે હતો. હવે ભારતીય નાગરિકો વિશ્વના 56 દેશોમાં અગાઉથી વિઝા લીધા વિના (વિઝા-ફ્રી અથવા વિઝા-ઓન-અરાઇવલ) મુસાફરી કરી શકે છે. ભારતનો અત્યાર સુધીનો સર્વશ્રેષ્ઠ રેન્ક વર્ષ 2006 માં 71મો રહ્યો હતો.