લોકશાહીના મહાપર્વમાં દેશભરમાં અનેરો ઉત્સાહ જોવા મળે છે. તેવામાં રાજકોટવાસીઓનો જુસ્સો વધારવા મતદાન જાગૃતિ અભિયાન માટે વહીવટી તંત્ર અવિરત કાર્યરત છે. જેમાં ૬૭-વાંકાનેર વિધાનસભા મતવિસ્તારમાં સમાવિષ્ટ શ્રી એચ.એન.દોશી અને શ્રી આર.એન. દોશી હાઇસ્કુલ અને દોશી કોલેજ ખાતે મતદાન અંગેનો વિડીયો વિદ્યાર્થીઓએ નિહાળ્યો હતો.
વિદ્યાર્થીઓને ચૂંટણી અને મતદાન પ્રક્રિયા અંગે માહિતગાર કરાયા હતા. આ સાથે પ્રથમ વખતના યુવા મતદારો પોતાના અનુભવોથી ભવિષ્યના મતદાતાઓને પ્રેરિત કરે તેવા પ્રયત્નો કરવા જોઈએ. આ અભિયાન અન્વયે ઉપસ્થિત તમામ લોકોએ મતદાન કરવા અને કરાવવાના શપથ ગ્રહણ કર્યા હતા.
